Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> انکار - پاش >> کلام مرزا

کلام مرزا

پاش
July 2nd, 2008

    تیری وی اکھ سُنیا سُرمہ نہیں جھلدی
    سُنیا تیرے وی والاں توں کنگھی ترِبکدی ہے
    تے سُنیا میرا وی قتل اِتہاس دے اودے صفحے تے لَکھیا ہے

    پر شاید ہُن
    سارا کُجھ پہلے جیہا نہ ہووے
    ہو سکدا ہے کہ تینوں کڈھن توں پہلاں
    مینوں روٹی اُدھال لوے
    تے جاں میں جنڈ دی بجائے کِسے کُرسی تھلے
    جاگدا ہی وڈھ دِتا جاواں
    ہو سکدائے پہلاں ونگ ہُن کُجھ وی نہ ہووے۔۔۔۔۔۔

    میں سُنیا ہے کہ میرے قتل دا منصوبہ
    راجدھانی وچ
    میرے جمن توں بہت پہلاں ہی بن چُکیا سی
    تے پیلو شاعر
    اج کل وشودیالے نوکری تے لگ گیا ہے
    شاید اوہ میرے قتل نوں
    نگونی جیہی گھٹنا قرار دیوے اتے شتابدیاں لئی
    کرائے دیاں نظماں رہے لِکھدا
    تے پہلاں وانگ ہُن کُجھ وی نہ ہووے
    میرے کول تیِر ہُن کاغذ دے ہن
    جو پنجاں سالاں چ اکو ہی چلدا ہے
    تے جیہدے وجدا ہے اوہ پانی نہیں
    میرا لہو منگدا ہے

    میرے پیو دادے نے آپنا کھٹیا
    حاکماں دے ڈِھڈ پایا سی
    اَتے توں جاندی ہیں اگلے باگھ ہن۔۔۔۔۔۔ بکی نہیں
    کہ سانوں داناباد پہنچان جاون
سمے دا گیڑ ہوندا ہے۔۔۔۔۔۔ ایتکیں توں بے وفا نہیں بندی
    تے میں بھراواں دے ہوندے سندے
    اوہناں دے ساہمنے ہی ماریا جانا ہے
    ایسے لئی میں کہندا ہاں
    کہ سارا کُجھ پہلے جیہا نہ ہووے
    اُنج تاں تیری وی اکھ
    سُنیا ہے سُرمہ نہیں جھلدی
    تے سُنیا تیرے وی والاں توں کنگھی ترِبکدی ہے
            ٭٭٭٭٭



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels