جے دیش دی سُرکھیا ایہو ہوندی ہے کہ بے ضمیری زندگی لئی شرظ بن جاوے اکھ دی پُتلی چ ''ہاں'' توں بِنا کوئی وی شبد اشلیل ہووے تے من بدکار گھڑیاِں ساہمنے ڈنڈوت چ جُھکیا رہووے تاں سانوں دیش دی سرکھیتا تاں خطرہ ہے
اسیں تاں دیش نوں سمجھدے ساں گھر ورگی پوِتر شے جیہدے وچ ہُسڑ نہیں ہوندا منوکھ ورھدے مینہہ دی گونج وانگ گلیاِں چ وہندا ہے کنک دیاں بلیاں وانگ کھیتیں جھومدا ہے اتے اسمان دی وِشالتا نوں ارتھ دیندا ہے
اسیں تاں دیش نوں سمجھ ساں جپھی ورگے اِک احساس دا ناں اسیں تاں دیش نوں سمجھے ساں کم ورگا نشہ کوئی اسیں تاں سمجھے ساں دیش نوں قربانی جیہی وفا پر جے دیش روح دی ونگار دا کوئی کار خانہ ہے پر جے دیش الو بنن دا پریوگ گھر ہے تاں سانوں اوس توں خطرہ ہے جے دیش دا امن ایہو ہوندا ہے کہ قرضے دے پہاڑاں توں رِڑھدیاں پتھراں وانگ ٹُٹدی رہے ہوند ساڈی کہ تنخواہاں دے مونہہ تے تھکدا رہے قیمتاں دا بے شرم ہاسا کہ آپنے لہو وچ نہاونا ہی تیرتھ دا پُن ہووے تاں سانوں امن توں خطرہ ہے
جے دیش دی سرکھیتا ایہو ہوندی ہے کہ ہر ہڑتال نوں پھیہ کے امن نوں رنگ چاڑھنا ہے
کہ سورم گتی بس حداں تے مر پروان چڑھنی ہے کلا دا پُھل بس راجے دی کھڑکی وچ کِھڑنا ہے عقل نے حُکم دے کھوہ تے گِڑ کے دھرت سِنجنی ہے کرت نے راج محلاں دے دریںکھر کاہی بننا ہے تاں سانوں دیش دی سرکھیتا توں خطرہ ہے ٭٭٭٭٭
