Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> انکار - پاش >> ساڈے سمیاں وچ

ساڈے سمیاں وچ

پاش
July 2nd, 2008

    ایہہ سبھ کُجھ ساڈے ہی سمیاں وچ ہونا سی
    کہ سمے نے کھڑ جانا سی ہمبی ہوئی جوک وانگ
    تے کچیاِں کندھاں تے لمکدے کلنڈراں نے
    پردھان منتری دی فوٹو بن کے رہ جانا سی

    دُھپ نال تِڑکے ہوئے کندھاں دے لیاں
    تے دھوئیں جوں ترسے چُلھیاں نے
    ساڈے ای ویلیاں دا گیت بننا سی

    غریب دی دھی وانگ ودھ رہیا
    ایس دیش دے سنمان دا بوٹا
    ساڈے روز گھٹدے قدماں دیاں موراں تے ہی اُگنا سی
    شاندار ایٹمی تجربے دی مٹی
    ساڈے روح وچ پسرے ریگستاناں چوں ہی اُڈنی سی

    میرے تُہاڈے دِلاں دی سڑک دے متھے جمنا سی
    روٹی منگن آئے ادھیاپکاں دی پُڑپڑی دا لہو
    دوسہرے دے میدان اندر
    کھسی ہوئی سیتا نہیں، بس تیل دی کینی منگدے ہوئے
    راون ساڈے ہی بُڑھیاں نے بننا سی
    بے پتی وقت دی ساڈے ہی سمیاں وچ ہونی سی
    ہِٹلر دی دھی نے زندگی دیاِں پیلیاِں دی ماں بن کے
    خود ہِٹلر دا ڈرنا
    ساڈے ہی متھیاں چ گڈنا سی
    ایہہ شرمناک حادثہ ساڈے ہی نال ہونا سی
    کہ دُنیا دے سبھ توں پوِتر حرفاں نے
    بن جانا سی سنگھاسن دے پوڈے۔۔۔۔۔۔
    مارکس دا شیر ورگا سِر
    دِلی دیاِں بھول بھلیاں وچ میانکدا پھردا
اسیں ہی تکنا سی
    میرے یارو ، ایہہ کُفر ساڈے ہی سمے چ ہونا سی

    بڑی واری ہی پکے پُلاں تے
    لڑائیاِں ہویاں
    جبر دیاِں چھویاِں دے ایہہ پر
    گھنڈ نہ مڑ سکے
    میرے یارو، آپنے کلے جین دی خواہش کوئی پَتل دی مُندری ہے
    جو ہر گھڑی گھِسی جارہی ہے
    نہ ایس نے یار دی نِشانی بننا ہے
    نہ اوکھے ویلیاں چ رقم بننا ہے

    میرے یارو ساڈے وقت دا اِتہاس
    بس اینا نہ رہ جاوے
    کہ اسیں ہولی ہولی مرن نوں ہی
    جینا سمجھ بیٹھے ساں
    کہ ساڈے سمے گھڑیاں نال نہیں
    ہڈاں دے کُھرن نال مِنے گئے

    ایہہ گورو ساڈے ہی وقتاں دا ہونا سی
    کہ اوہناں نفرت نتار لئی
    گُزردے گندلے سمندراں چوں
    کہ اوہناں وِنھ سُٹیا پِلپلی محبت دا تندوا
    اوہ تر کے جا کھڑے ہوئے
    حُسن دیاِں سردلاں اُتے
    ایہہ گورو ساڈے ہی سمیاں دا ہووے گا
    ایہہ گورو ساڈے ہی سمیاں دا ہونا ہے
            ٭٭٭٭٭



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels