Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> انکار - پاش >> سبھ توں خطرناک

سبھ توں خطرناک

پاش
July 2nd, 2008

    کرت دی لُٹ سبھ توں خطرناک نہیں ہوندی
    پُلس دی کُٹ سبھ توں خطرناک نہیں ہوندی
    غداری لوبھ دی مُٹھ سبھ توں خطرناک نہیں ہوندی

    بیٹھے سُتیاں پھٹے جانا ۔۔۔۔۔۔ بُرا تاں ہے
    ڈروُ جیہی چُپ وچ مڑھے رہنا ۔۔۔۔۔۔ بُرا تاں ہے
    سبھ توں خطرناک نہیں ہوندا

    کپٹ دے شور وچ
    صحیح ہوندیاں وی دب جانا ۔۔۔۔۔۔ بُرا تاں ہے
    کِسے جُگنو دی لوء وچ پڑھن لگ جانا ۔۔۔۔۔۔ بُرا تاں ہے
    کچیِچی وٹ کے بس وقت کڈھ جانا ۔۔۔۔۔۔ بُرا تاں ہے
    سبھ توں خطرناک نہیں ہوندا

    سبھ توں خطرناک ہوندا ہے
    مُردہ شانتی نال بھر جانا
    نہ ہونا تڑپ دا، سبھ سہن کر جانا
    گھراں توں نِکلنا کم تے
    تے کم توں گھر جانا
    سبھ توں خطرناک ہوندا ہے
    ساڈے سُپنیاں دا مر جانا

    سبھ توں خطرناک وہ گھڑی ہوندی ہے
    تُہاڈے گُٹ تے چلدی ہوئی وی جو
    تُہاڈی نظر دے لئی کھڑی ہوندی
    سبھ توں خطرناک اوہ اکھ ہوندی ہے
    جِس دی نظر دُنیا نوں مُحبت نال چُمنا بُھلا جاندی ہے
    جو چیزاںچوں اُٹھدی انیپن دی بھاف اُتے ڈُلھ جاندی ہے
    جو نِت دِسدے دی سدھارنتا نوں پیِندی ہے
اک متکجن دہراء دے گدھی گیڑ وچ ہی رل جاندی ہے

    سبھ توں خطرناک اوہ چن ہوندا ہے
    جو ہر قتل کانڈ دے بعد
    سُن ہوئے ویڑھیاں وچ وڑدا ہے
    پر تُہاڈیاِں اکھاں نوں مِرچاں وانگ نہیں لڑدا ہے

    سبھ توں خطرناک اوہ گیت ہوندا ہے
    تُہاڈے کناں تک پہنچن لئی
    جیہڑا کرنا الا تگھدا ہے
    ڈرے ہوئے لوکاں دے باہر موہرے ۔۔۔۔۔۔
    جو حویلی دی کھنگ کھنگدا ہے

    سبھ توں خطرناک اوہ دِشا ہوندی ہے
    جِسدے وچ آتما دا سورج ڈُب جاوے
    تے اوس دی مری ہوئی دُھپ دی کوئی چھلتر
    تُہاڈے جِسم دے پورب چ کُھب جاوے
    کرت دی لُٹ سبھ توں خطرناک نہیں ہوندی
    پُلس دی کُٹ سبھ توں خطرناک نہیں ہوندی
    غداری لوبھ سی مُٹھ سبھ توں خطرناک نہیں ہوندی
            ٭٭٭٭٭


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels