Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> امرت ویلے پھُرنا:میلکم ایکس دی یاد وچ

امرت ویلے پھُرنا:میلکم ایکس دی یاد وچ

جسپال
February 24th, 2015

21 فروری 2015 میلکم ایکس دے قتل دی 50 وی برسی ہے۔میلکم ایکس امریکہ دے کالے لوکاں دے حقاں دی جنگ دے اک عظیم اتے مہان آگو سن جنہاں دی سوچ اتے سُجھ دا اثر ایشیا افریقہ اتے لاطینی امریکہ دے لوکاں دے سنگھرش تے بہُت ہی پیا سی اتے اج وی لوک اوہناں دا ناں بڑے ستکار نال لیندےہن۔

میلکم ایکس اک بہُت ہی غریب گھر وچ پیدا ہوئے اوہ اک غُلام پریوار دی اولاد سن۔ اونھاں دے باپ دا قتل نسلی غُنڈیاں نے کر دتا سی اتے اوہناں دے گھر نوں اگّ لا دتی سی۔ اُسنے اک جلسے وچ پُلس دے تشدد خلاف تقریر کیتی سی۔ہورناں کالے نوجواناں وانگ ہی میلکم نوں وی چھوٹی امر وچ ہی جیل وچ پا دتا گیا سی۔جیل وچ اوہناں نے امریکن سماج دا بڑی ڈونگھائی نال نرنا کیتا تتّ کڈھے ۔ انھاں نے دیکھیا کہ امریکن لیڈراں اتے صدراں دی کہنی اتے کرنی وچ بہُت فرق ہے اتے ہمیشہ ہی رہا ہی۔ جیفرسن اتے واشنگٹن آزادی دے نعر ے لاندے سی پر اوہ آپ ہی غُلاماں دے مالک سن اتے غُلامی دے حامی سن۔ دُنیا بھر وچ آزادی اتے ڈیموکریسی دے دم گجے لا رہے امریکن لیڈر امریکہ وچ نسلواد اتے نسلی وتکرے نوں ہی قائم دائم رکھدے ہن بھانویں اوہ ڈیموکرٹک پارٹی دے ہون تے بھانویں رپبلکن پارٹی دے۔ امریکن عدالتوں گل تاں انصاف اتے حقاں دی کردیاں ہن پر اوہناں دے فیصلے نسلواد اتے نسلی وتکرے نوں ہی قائم رکھن والے ہن۔

میلکم نے نرنا کرکے تتّ کڈھیا کہ نسلواد اتے نسلی وتکرا امریکن سماج دی بُنیاد وچ ہی ہے اتے صرف اک بُنیادی تبدیلی ہی ایہناں بُنیادی رشتیاں نوں بدل سکدی ہے۔ اس بُنیادی تبدیلی لئی اوہناں نے لوکاں نوں لام بند ہون لئی اتے ہر طرحاں دا وسیلہ طریقہ اتے ہتھیار ورتن لئی آکھیا۔

شروع وچ اوہ سوچدے سی کہ نسلواد اتے نسلی وتکرا گوریاں دے تعصب کرکے ہے اتے گورا آدمی شیطان ہے جس نے دُنیا دے لوکاں خلاف، خاص کرکے کالے لوکاں خلاف بہُت ہی جُرم کیتے ہن اتے کر رہا ہے۔ دُنیا دے ساریاں مٽلیاں دی جڑ ایہہ گورا سیتان ہے۔ پر ہولی ہولی اوہناں نے ڈنگھائی نال نرنا کیتا اتے مکے وچ حج کرن دے بعد ایہہ تت کڈھیا کہ نسلواد اتے نسلی وتکرا صرف گورے رنگ کرکے ہی نہیں بلکہ سماج دی بُنیاد دے جبر اتے لُٹّ دے رشتیاں دے تانے بانے کرکے ہی۔ دُنیا وچ مولیماں وچ بہُت گورے رنگ دے ہن اتے جابراں وچ کالے اتے ہورناں رنگاں والے وی ہن۔ میلکم نے تمام مورےماں دی ایکتا اتے ظُلم خلاف سنگھرش وچ ایکتا دا ہوکا بھریا۔

میلکم دے وچاراں اتے عمل نے امریکہ دے کالے اتے ہورناں روشن خیال نوجواناں نوں بجلی وانگ جھنجوڑ دتا اتے اوناں نے آپنے حقاں دے سنگھرش نوں تیز کرن۔ امریکہ دے حاکم ٹولے نوں فکر پے گیا اوہناں نے کئی طرحاں دے حملے کرنے شروع کر دتے اتے اخیر 21 فروری 1965 نوں اوہناں دا قتل کروا دتا۔

میلکم ایکس دے وچار اتے زندگی نوں لوک ہر تھاں آپنے حقاں دے سنگھرش وچ یاد کردےہن۔ فرگُسن،اوکلینڈ نیویارک، اتے تمام امریکہ وچ نوجوان اتے ہور لوک میلکم دی سُجھ توں سکّھ رہے ہن۔ دُنیا دے ہور لوک وی اوہناں نوں ستکار نال یاد کردے ہن۔ میلکم ایکس نوں آؤن والیاں نسلاں یاد رکھن گیاں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels