Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> جُوں پانی وچ پتاسے دی

جُوں پانی وچ پتاسے دی

افضل احسن رندھاوا
February 24th, 2015
 
جُوں پانی وچ پتاسے دی
کیہ عمر حیاتی ہاسے دی
کوئی کُوڑا سچا کارا کر
کوئی صورت کڈھ دلاسے دی
واہوا ہے وصل دی کِن مِن، پر
کیا بات ہے، ہجر چماسے دی
ربّ رکھے تے سر بچدا ہے
گل کچی ڈانگ منڈاسے دی
کوئی شان ہے اوہدے کجّل دی
کوئی ٹوہر اوہدے دنداسے دی
کیا وَل اوہناں پھُلچڑیاں دے
کیا صورت گھُنڈ اکواسے دی
کیہ لِکھّاں اوہدے نخرے دا
کیہ بات کراں اوہدے ہاسے دی
اوہ بدلی وچ جا وسیا ہے
اوہ سُنے گا کنج پیاسے دی
پھیرا کوئی ایدھر اِک ادھا
کوئی من تے سہی نراسے دی
گَل لا کے بھُنجے سُٹ دینا
ایہہ رِیت ہے تیرے پاسے دی
اوہنوں ہاک نہ مار رندھاویا
گل کھُل جاؤ بھرواسے دی

Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels