Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> فجر دی دُھپ دا

فجر دی دُھپ دا

عرفان ملک
February 28th, 2015
5 / 5 (1 Votes)


فجر دی دُھپ دا
دُھپدا ہویا چانن
اکھاں دوالے ولے ہنیرے دے
وٹّ ہولی ہولی کھول رہیائے
رشموں رِشمی
نِتردے
چاندی دے لوں کنڈے
ادِکھ
پر پُورے تے گھمبیر،
بالاں وانگوں کھیڈدے،
کائنات نوں رنگاں وِچ ونڈ رہے نیں

میرے کول نموشی دی اِک چننگ اے
کئی دِناں دی سانبھی ہوئی،
جس نال ہر روز
میں اپنی چھاتی دی بُکل وِچ لکائی
اداسی دی کانگڑی بال لینا واں
بے وساہی اتے موت دا کامبا مُکدا نہیں
پر اداسی دی ٹکور
اوس چڑھدی سویر دی دُھپ نوں
اِک لمے تے بے معنی دن وچ بدل دیندی اے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels