حمد قدیم اللہ نوں جس دا کل جہان رحمت اُس دی حام ہے وچ زمین آسمان ظاہر باطن جاندا سُندا ہر ہر حال اوہ مانند نہ کسے دی آہا باجھ مثال نال ارادے اپنے بود کیتا نابود باجھ شریک سہیم تھیں اوہو ہے معبود پاک شروع انجام تھیں دائم اُسدا راج نہ وچ اپنی کار دے ہوراں دا محتاج اُپر قدرت کاملہ ماہی تھیں تا ماہ ذرّہ تھیں خورشید تک ہر ہر چیز گواہ جے چاہے وچ ساعتے اوہ قادر رحمان دیوے تخت بھکھاریاں بھیکھ منگن سلطان جس تھیں چاہے کھوہ لوے تخت حکومت مال چاہے بخشے جس نوں عزت مال منال
کوئی موڑ نہ سکدا مول اُس دا فرمان ظاہر باطن اوس دا ہر جا حکم روان یا رب لکھ لکھ واریاں بہت درود سلام بھیج رسول قبول نوں ہر دم صبح و شام پیدا جس دے نور تھیں کیتو کُل جہان توں جس نوں وڈیائیا وچ زمیں اسمان چارے یا رسول دے اُمت دے ارکان ابابکر تے عمر ہے عثمان علی عیان دوویں عم رسول دے حمزہ تے عباس آل اولاد اصحاب نے سبھناں قرب اگاس رحمت بہت سلام ہر بھیج الٰہی تُوں بخش طفیلوں اوہناں دے یا رب عاصی نُوں ثابت رکھ اسلام تے ماریں نال ایمان بخش الٰہی مومناں جنت امن امان!! ٭٭٭
