Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شاعری >> افضل ساحر >> پِیڑاں وِکنے آئیاں

پِیڑاں وِکنے آئیاں

افضل ساحر
March 23rd, 2009
5 / 5 (11 Votes)
سجن جی! پِیڑاں وِکنے آئیاں
کِسے نہ ہس کرائی بوہنی
کِسے نہ جھولی پائیاں

سجن جی! پِیڑاں وِکنے آئیاں

عُمروں لمّے آس دے پینڈے
اسیں وِچوں دی ہوئے
پباں ہیٹھاں چِیکن ساہواں
سُفنے وی ادھ موئے

جُسّے اَت پرَیناں وجِیّاں
کِسے نہ ملھماں لائیاں

سجن جی! پیڑاں وِکنے آئیاں

نِج سمے نے ہرمھاتڑدی
بُلھڑی اکھّڑی سِیتی
اوہدی پِیڑ ونڈاون دی تھاں
ہور ودھیری کیتی

اوہ وی مگروں لاہ کے ٹُر گئے
جیہناں دِتیاں سائیاں
پیڑاں وکنے آئیاں

سجن جی! پیڑاں وِکنے آئیاں

ساوِیاں رُتاں ورگے سُفنے
چیکاں دے وِچ گُنھے
شہر نیں جیویں پکیاں تھاواں
پِنڈاں دے پِنڈ سُنّے

لاشاں تے دفناندے سنیا
روحاں کس دفنائیاں!؟
سجن جی! پیڑاں وکنے آئیاں

Share |


 

Depacco.com


 

 

Visitors Comments

Name:MEHWISH
Date:29th July

Comment: SAAHIR Jee di ae nazam menu bohat pasand ae, enj lagda a k jiwen onhaan ne har banday de andar warr k ohdi takleef noon mehsoos keeta hoya ae. laashaan tey dafnaandey sunneya, roohaan kis dafnaiyaan wah jeonday jagday banday di rooh noon dafnaya ja rya a. Saahir jee RABB Sohna tuhaanu sb diaan peeraan wandawan di himat day.


Visitors Comments

Name:Ahmad
Date:29th April

Comment: Afzal Saahir is a God-Gofted Person. Very Talented Poet. And have very attractive personality.


Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels