Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> خواجہ فرد فقیر >> باراں ماہ: مگھر

باراں ماہ: مگھر

وچار ڈیسک
June 27th, 2009
ہُن مگھر ماگھی زور ہن
سانوں نئے قضیے ہور ہن
گل آکھاں کیہ سیال دی
جو گذرے اپنے حال دی
ایس وقت پیارا لوڑیئے
سانوں بُہتی سِک کنار دی
اگوں راتاں آئیاں وڈیاں
میریاں بِرہوں کھاندا ہڈیاں
میں کِس نوں آکھاں کیہ کراں
ہُن کِت ول جا کے جی دھراں
میرے نہ گھر دھن نہ کنت ہے
میں عاجز روز شمار دی
میرے پلے خرچ نہ دام ہے
وچ گھر دے آب نہ طعام ہے
مینوں اِک وچھوڑا یار دا
دُوجا پالا اندر ساڈدا
ہُن گھر وچ سبھ کجھ لوڑیئے
بھُکھ سارے بھیت اُکھاڑدی
اج ہوون لیف نہالیاں
کوئی نعمت بھریاں تھالیاں
بہہ نال پیارے کھاویئے
ہور مُشک گلاب لگاویئے
جے بھاگ نہ ہوون اپنے
تد کاہنوں بات چتاردی

Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels