Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> خواجہ فرد فقیر >> باراں ماہ: چیت

باراں ماہ: چیت

وچار ڈیسک
June 27th, 2009
سبھ صفت ثنا الاہے نوں
جیہڑا بخشے کُل گُناہے نوں
بھی آکھ درود رسولؐ نوں
اس اللہ دے مقبول نوں
جس عاصی سبھ بخشاونے
کہو برکت چارے یارؓ دی
ربا چیتر کہندے آیا
میرے جانی کیوں چر لایا
میریاں چشماں کہو پھُٹیاں
میں رو رو بہت نگُٹھیاں
میرے درداں کلیاں کڈھیاں
جاں آئی رُت بہار دی
نت تپن سِکن ہڈیاں
میرے سُولاں شاخاں چھڈیاں
سِل پُھٹے خار پریم دے
ول چھڈے بُوٹے سیم دے
مینوں دُوتیاں بہت ستایا
نت رو رو آہیں ماردی
جاں بِرہوں جھُولا جُھلیا
غم دُکھ میرے تن پُھلیا
میں اندر وڑ کے جالیا
شوق تیرے بُوٹا پالیا
میں کھلہی اُڈیکاں راہ نوں
مینوں نِت اُداسی یار دی
رل بیٹھن سنگ سہلیاں
میری خبر نہ لئی آ بیلیاں
اج بُلبُل پھیرا پایا
نالے بھور گُلاں تے آیا
سبھ یار یاراں نوں آ مِلے
مینوں خبر نہیں دِلدار دی

Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels