Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شاعری >> نیاز احمد عاجز >> سسی دے دوہڑے 14

سسی دے دوہڑے 14

نیاز احمد عاجز
June 27th, 2009
جواب سسی دیگر
اے بابا سن گلاں توں مینڈی تینوں دس دیواں سبھا کے سن کن لاکے
نام پنوں جیہڑا وارث میرا گیا چھوڑ دکھاں وچ پاکے مار مکاکے
یار بلوچ جے مل جائے تینوں آکھیں ادب تھیں سیں نوا کے تے سمجھا کے
نیاز سسی تیری سر گئی ایتھے یار کونج وانگن لا کے ویکھ لے آکے

وصال سسی
بند زبان سسی چا کیتی بس اتنی گل سمجھا اے قسم خدا اے
کیچ ولے منہ کرکے یار و سسی پوت ڈگی غش کھا اے قسم خدا اے
لاش سسی دی تڑفن لگی تے ہوگئی جا ہوا اے قسم خداے اے
جان جیاز سسی دی مک گئی ہوئی ختم نہ مول سزا اے قسم خدا اے

آمدن عزرائیل بطرف سسی
برائے روح قبض کردن
حالت ویکھ سسی دی یارو کیتی ملک الموت چادھائی قسم الٰہی
ملک الموت دے آون تھیں پہلے ہوئی جان سسی دی راہی قسم الٰہی
ملک الموت سسی ول ڈٹھا وچ جان وجود دے ناہی قسم الٰہی
نیاز یاں جد لے گیا اوہ جہڑا جان دا وارث آہی قسم الٰہی

پشیمان شدن ملک الموت
عزرائیل حیران کھلوتا کی بھیت ہے ایہہ بے پرواہ دا
ملک الموت مینوں رب کیتا میرے ہتھ وچ تیر قضا دا
باہجھ میرے کیہڑا مارن والا جیہڑا توڑے قانون خدا دا
نیاز اوہدے کولوں موت کی لینا جیہڑا ماریا مست نگاہ دا

عشق نے مار مکا لئی سسی ایویں تل دا نام بدنام ایں
سونہہ رب دی انہوں کوئی وی نہ مارے جہندی یار دے ہتھ لگام ایں
ملک الموت عاشق تے دائیں دوروں کر دا ست سلام ایں
نیاز اوہ تاں سردار دو جگ جیہڑا عشق دا خاص غلام ایں

دو جگ دے سردار وہ سجناں جیہڑے عشق دی کرن غلامی
قسم خدا دی ویکھیا! اکھیں ہوندا جگ سلامی
عشق دی خبر انہاں نوں کیہڑی ہے عقل جہناندی خامی
نیازؔ میاں استاد علیؓ دا یہہ ہے عشق بہادر نامی

Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels