Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شاعری >> نیاز احمد عاجز >> سسی دے دوہڑے 9

سسی دے دوہڑے 9

نیاز احمد عاجز
June 27th, 2009
دلشاد سسی
نال خوشی دے یار سسی دا آباغ لاکھی نوں وڑیا
گھر والا گھر آگیا یارو سسی شکر دا کلمہ پڑھیا
پیر زمین اتے مول نہ لاوے واہ وہ چا سسی نوں چڑہیا
نیاز برات انہاندی چنگی لبھے جنہاں دے کھڑیا

کر دیدار محبوب سوہے دا سسی رب دا شکر گزارے
ہتھ چمے کدی پیر چمے کدی چمدی پئی رخسارے
مل گیا یار تے مک گئے جیڑے اج دور ہوئے دکھ سارے
نیاز نصیب جنہاں دے چنگے گھر بیٹھیاں ملن پیارے

نال خوشی محبوب بٹھایا سسی پھلاندی سیچ وچھا کے
گل لگ کے سسی یار نوں ملدی سبحان اللہ فرما کے
شاد آباد آزواج ہوئی سینے نال محبوب نوں لاکے
نیاز نصیب جنہاندے چنگے انہاں یار ملن گھر آکے

گیت سسی
میتھے کیتا فضل الٰہی نی مینوں مل گیا اج ماہی
میری ٹٹی ہجر دی پھاہی نی تینوں مل گیا اج ماہی
ہو گئی اج میری حج سیو ملیا یار مینوں اج سیو
میری دور ہوئی گمراہی نی مینوں مل گی اج ماہی
عشق جنہاندے مینوں مار مکایا اوہ سانوں ملن اج گھر آیا
میری دھل گئی من دی سیاہی مینوں مل گیا جا ماہی
دو گج دی میں سوہاگن ہوئی کسے پاسوں مینوں خوف نہ کاہی
میرا یار ہویا ہمراہی نی مینوں مل گیا ج ماہی
میرا رب سبب بنایا ساری عمر دا روگ مٹایا
مینوں فکر کوئی ہن ناہی نی مینوں مل گیا اج ماہی
میری جان عذابوں چھٹی سرتاپا ماہی نے لئی!
میں آپ ایہو گل چاہی نی مینوں مل گیا اج ماہی!
ہن میں کس گلوں گھبراواں کیوں گھبرا کے کفر کماواں
میں ہن یار دی ہوکے بہ گئی چیز کسے دی تھوڑ نہ رہ گئی
اوہنوں دو جگ دی بادشاہی نی مینوں اج مل گیا ماہی
ہن میں یار نہ چھڈاں مول اے قسم الٰہی رسول اے
کیویں ہوواں نیاز گناہی نی مینوں مل گیا اج ماہی
میتھے کیتا فضل الٰہی نی مینوں مل گیا اج ماہی

دوہڑہ
ٹکراں مار توں دوستا لکھ واری بھانویں رہبر ماجھ کدی بھی راہ نہ ملدا
نماز روزہ حج زکوٰۃ کلمہ مرشد باجھ ایہہ الٹ گناہ ملدا
مندے عیب دی دوستا ہوون چنگے جدوں کوئی کامل پیشوا ملدا
قسم رب دی نیاز جھوٹ نہ کہندا صورت باجھ نہ کدی خدا ملدا

کہندا دوہڑہ سسی
کر کر دید پنوں دا سسی کرے عید خوشی تھین رج اے
وَت وت ویکھ سجن دا چہرا سسی لکھ لکھ کر دی حج اے
اللہ جانے کل کی ہوسی شاد آباد تاں اج اے
نیاز سسی دے سر دے اتے تھل پانی کھلوتا گج اے

رب سائیاں تیری بے پرواہی تیران نام ستار جبار اے
ہنکاں دی گل پئی جدائی ہنکاں عیش بہار اے
شاد آباد سسی اج ہوئی جس یار پایا غم خوار اے
یار نیاز پنن دے باہجوں ہویا باپ ڈہڈا بیزار اے

بیزار شدن علی خان پِدر پنوں
بھل گیا راج تے تاج شاہا نہ آوے نظر نائیں مطلوب اے
گزر گئے ویلے خوشیاں والے کیتا آن دکھاں مغلوب اے
اپنے ہتھیں ٹور کے دلبر پھرے روندا وانگ یعقوب اے
یار نیاز انہوں کجھ نہ بھاوے جیندا وچھڑے یار محبوب اے

قاصد ہک تیار کیتو سو جیہڑا طرف بھنبھور دے جاوے
لکھ کے خط درداں دا یارو شاہ قاصد ہتھ پکڑ رائے
نال تاکید دے بہوں سمجھایا جھب طرف کیچم دے آوے
نیاز اوہو یار کیچ دا والی ونج کیچ تے راج کماوے

ناد علی خان بطرف پسر پنوں
اوے ماہی دن بہتے گزرے میرے نین دوہاں ندیاں
دو دن والوں کر گئیوں وعدہ ہن گزر گیاں نے صدیاں
گم نے چار چوفیریوں ولیا اج خوشی نے جھوکاں لایاں
باہجہ تیریے چناں قسم خدا دی ہویاں نیاز اکھاں دونیوں اندھیاں

Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels