Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شاعری >> نیاز احمد عاجز >> سسی دے دوہڑے 8

سسی دے دوہڑے 8

نیاز احمد عاجز
June 27th, 2009
نامہ سسی بطرف پنوں
لکھیا خط سسی نے یارو طرف بلوچ کیچم دے
درد بھری تحریر سنائی سسی رو رو دکھا دم دی
لکھ سکے ایہہ خط سسی دا کی طاقت نیاز قلم دی

رفتن بہلول بطرف کیچم
آخر کار سسی بھئی ہار سسی نے چا کیتا بند پروانہ
بند کر کے بہلول نوں دے کے چا کیتا جلد روانہ
نال تاکید دے بہلول سمجھایا دیویں یار نوں جان نذرانہ
پل وچ نیاز مکا لیا پینڈا آیا کیچم شہر سہانہ

دورنِ شہر کیچم بلول کروان کیچم
حاضر ہو کے پننج دسے ساری دی گل بہلول کردانی
حسن تیرے نو ویکھ کے سسی ہوگئی اے خاص دیوانی
حور جنت دی معلم ہووے ایہہ پر آکھن لوک زنانی
نیازؔ سسی دی اوہ صفت سناوے نالے دیندا خط نشانی

نامہ سسی خواندن پنوں
ویکھ کے خط تیتم سسی دا پنوں چمدا نال تعظیم اے
خط پڑدا نالے چم چم روندا اج جاگیا درد اعظیم اے
محرم راز سخن دے باہنجوں کیڑا لگی وار ہور حکیم اے
نیاز عشق سامنے آیا اودوں الف دی بن گئی میم اے

آمدن پنوں بطرف پدر برائے اجازت
نال بہلول نوں لے کے پنوں آ کردا عرض پدر نوں
سر کرن دا شوق ہے بابا جھب پرت کے او ساں گھر نوں
نال خوشی بابا رخص دے دے اس اپنے لخت جگر نوں
زندگی دے وچ نیاز ہکواری لوں ویکھ شہر بھنبھور نوں

آخر کار باپ پنن دے ونج عرض کیتی منظور اے
رخصت دیندا خان پنن نوں ہوکے بہوں مجبور اے
باپ پنن نوں پیا سمجھاوے بچہ آویں جلد ضرور اے
ٹوریا باپ پنن دے تائیں جیہڑا نیاز آکھاندا نور اے

آمدن پنوں بطرف سسی
رخصت لے کے باپ توں پنوں گیا نال بہلول دے رل اے
مال اسباب شتابی لے کے لیا رہ بھنبھور دا ملی اے
پہنچیاں آن پتن تے پنوں ملے کر کے مارو تھل اے
نیاز برات سسی دی جاگ گئی مک گئی درواہ دی گل اے

وبیزار شدن سسی درباغ لاکھی
ادیاں چک چک ویکھے سسی کدوں شتر بلوچ دے آوسن
صدقے جاواں انہاں شتراں کولوں چہڑے سانوں ڈھول لیاون
یار جیہڑے ونج کیچم وسدے ڈیرے باغ لاکھی وچ ملا دسن
ترسن نین نیاز سسی دے کدوں یار دیدار کراسن

سسی چپکے تے پئی اڈیکے کدوں آسن ہوت پنن دے
گھاٹ پتن اے آن کھلوتی جتھوں لانگھے یار سجن دے
ویکھ کے شتر بلوچ دے دردوں سسی گیت گاوے دن دن دے
نیاز سسی دی قسمت جاگی ویلے آگئے نے یار ملن دے

آمدن مبارک پنوں خان
لنگھیا پور پنن دا یاروں رب آندا خیریں نال اے
راہ وچ آن کے مل پئی سسی آکیتا! اسقبال اے
قدم چمے شتراں دے سسی بڑے ادب تعظیم دے نال اے
نیاز محبوب دے قد میں ڈگ پئی سسی کھولے وال کنگال اے

Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels