Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شاعری >> نیاز احمد عاجز >> سسی دے دوہڑے 7

سسی دے دوہڑے 7

نیاز احمد عاجز
June 27th, 2009
آمدن سہیلی بطرف سسی
اٹھ نی سسیئے توں جاگ سویرے تیرا وقت جاگن دا آیا
آگئے نی کروان کیچم دے تیرا رب سبب بناوے
تقدیر تیری اخ جاگی سسیئے تینوں نیند نے غلبہ پایا
یار نیازؔ اوہ تاں کدی نہ سوندے جنہاں عشق سینے نال لایا

رفتن سسی برطر فکارواں کیچم
سن کے نام کیچم دا یارو سسی بہت خُوشی وچ آئی
دوڑ کے آئی کاروان دے پیریں جتی مول نہ پائی
یار دے وطن دی ویکھ نشانی سسی ہو گئی دون سوائی
قدم نیاز اُٹھاں دے چمے عشق تعظیم سکھائی

ہم کلام سسی با کارواں کیچم
قربان جاواں تے میں سیس نواواں تسی رہ جیہڑے تھیں آئے
صدقے جاواں جند گھول گھماواں تسی یار دے وطنوں آئے
جان بلوچ دے میری طرفے تسیں پیغام لیائے
نیاز محمدؔ یاد پنن دی تینوں رات دنے تڑفائے

سوال کاروان کیچم
کروان پچھن لگے سسی کولوں سانوں ایہہ تے توں سمجھا دے
پنن دی واقف کیوں ہوئی ایں سانوں ایہہ تے سچ فرما دے
شہر کیچم وچ وسدا پنوں تیرے واسے باغ دی تھاں وے
نیاز نہ آیا اوہ وطن تیرے تے نہ توں گیوں وطن اساں دے

جواب سسی
تڑف جواب دتا فیر سسی دسے میں واقف آں بدیوں لاوی
نام پنوں جیہڑا کیچ دا مالک اے تاں کوہڑی آں اس شاہ دی
اک تھاں رل ملی باہندے ہاسے نائیں نیت ہوون جدا دی
نیاز جدائی پئی جس ویلے کن آکھیا ذات خدا دی

پیش کردن تصویر پنوں بردے کردن
پنن دی وت کروانیاں تائیں سسی لیا تصویر دکھاوے
بہہ کے وت کروانیاں تائیں سارا گزریا حال سناوے
کر کر گلاں کروانیاں اگے چھم چھم نیر وہاوے
نیاز سسی کروانیاں تائیں وت رو کے یہہ فرماوے

سوال سسی پیش کاروان کیچم
ہتھ بنھ کے سسی عرض کریندی تسیں نہ اگاں ول جاؤ
واپس جاؤ تسیں شہر کیچن نوں ونج خان بلوچ لیاؤ
راضی میں تساں نوں کر ساں تسیں دل وچ نہ گھبراؤ
نیاز محمد سسی ترلے لیندی مینوں جھبدے یار ملاؤ

سوال کاروان
کہن لگے کروان سسی نوں ایہو س لے اساڈی گل اے
رائیاں نوں قبضے مول نہ پائیے سانوں چلن دے اپنی چال اے
جلد توڑ دے روک نہ سانوں ساڈی نال وچار دے چال اے
وقت تھوڑا تے سفر زیادہ جتھے پہنچن نیاز محال اے

جواب سسی
کہن لگی کوانیاں تائین تسیں من میری توں میری کل نوں
شتراں باہجہ بلوچا دسو چیرے کون اس مار وتھل نوں
ہمت کرد تسیں جلدی جاؤ کر حل میری مشکل نوں
نیاز نہ جاسو تے قید کریساں وت چھڈساں لے سانوں

تیار شدن کاروان بطرف کیچم
ہو مجبور سسی دی انہاں گل من لئی آخر کار
ہو کے نمانے تے پاکے پلانے ہوئے شتراں تے سوارے
کر کے یاد بہلول اللہ نوں لئی وطن نوں موڑ مہارے
نیاز بہلول نوں کرکے روانہ ہایا سسی دا دل گلزار اے

Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels