Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شاعری >> نیاز احمد عاجز >> سسی دے دوہڑے 6

سسی دے دوہڑے 6

نیاز احمد عاجز
June 27th, 2009
افسوس کردم آدم جام
پڑھ پڑھ خط سسی دا یارو شاہ روے تے پچھتاوے
ہو پشیمان تے توبہ کرکے وت ایہو خیال دوڑا وے
ہتھ بنھ میں تاں منگساں معافی مینڈے گھر سسی جے آوے
تدوں سسی دے سنگاون کارن اک باندی شاہ بلوادے

رفتن باندی بطرف سسی
آدم جام حکم جد کیتا جھب حاضر ہو گئی باندی!
سمجھ کے حال بادشاہ دے کولوں باندی لین سسی نوں جاندی
آدم جام دا حال احوالہ باندی سسی نوں آ سمجھاندی
یار نیاز باندی دے تائیں اگوں کی سسی دس آہندی

جواب سسی
بخشیا عیب تینوں میں شاہا اے پر گھر مول نہ آساں
دھوبیاں دے گھر عمرا ساری میں نال صبر رہساں
نال پیار ایہناں سانبھیاں مینوں میں ناں احسان بھلاساں
نیازؔ اہناں پھیر لیاں اکھیاں میں تاں مہہ کتے کر جاساں

سن کے جواب سسی دے کولوں باندی اٹھ پئی من مرجھا کے
گل گفتار سسی دی ساری باندی شاہ کو دسیندی آکے
شاہ فرمایا ونج فیر دوبارے وت آکھ سسی نوں جا کے
دس نیاز سسی نوں باندی دیندی کی خوشبری لیاکے

آخری پیغام آدم جادم بطرف سسی
ہتھ بنھ کے میں تاں عرض کریندا دھیئے باپ نوں بخش خطا توں
دھوبیاں دے گھر دھوبن بن کے میری عزت نوں داغ نہ لا توں
لاکھی باغ میں بخشیا تینوں اوتھے جا رہایش بنا توں
نیاز سیّاں سٹھ تیریاں خادم رل کھیڈ کے من پرچا توں

لیبرکردن سسی درلاکھی باغ
سن فرمان بابل دا سسی یارو بہت خوشی وچ آوے
جلد کرکے بسم اللہ پڑھ کے ڈیرا باغ لاکھ وچ لاوے
گھاٹ پتن اتے لاکھ پہرے وت سیاں کوں اے سمجھاوے
پتہ نیاز کوں کرنا جے کوئی کر دان کیچم دا آوے

اک دن باغ دے بنگلے اندر سسی آن وڑی خوش حال اے
کیا ویکھے تصویر پنن دی ٹنگی کھڑی دیوار دے نال اے
پڑھ بسم اللہ لاہ لئی صورت سسی ادب دے نال سنبھال اے
نیاز محبوب دی صورت ڈٹھیاں گیاں بدل سسی دا حال اے

سامنے رکھ تصویر پنن دی سسی عشق نماز چا نیتی
صدقے جاوے تے سیس نواوے کر من دی دور پلیتی
ادب دے نال پئی سجدے کر دی سسی پریم پیالی پیتی
نیاز ادا پئی کردی سسی ساری عمر قضا جو کیتی

سامنے رکھ تصویر پنن دی سسی رب دا شکر بجاوے
اکھیاں نال چمے لکھ واری کدی چم چم سینے لاوے
کملیاں وانگ صورت دے تائیں سسی کر کر پیار بلاوے
یار نیازؔ خدا دے اگے سسی وت ایہہ عرض سناوے

دعائے سسی
ترس کریں کجھ بے پرواہا میریاں سن لے حال دہائیاں! بہوں گھبرائیاں
صورت مل گئی تے صورت والا ہن جلد ملا رب سائیں! بہوں گھبرائیاں
صدقہ نی پنجتن پاک دا مولا کر چا دور جدائیاں! بہوں گھبرائیاں
کرمنظور نیاز نوں سجناں منگاں و عدم نال دعائیاں! بہوں گھبرائیاں

Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels