Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شاعری >> نیاز احمد عاجز >> سسی دے دوہڑے 5

سسی دے دوہڑے 5

نیاز احمد عاجز
June 27th, 2009
5 / 5 (1 Votes)
مشورہ میاں بیوی
قابل نئیں گھر رکھ دے سسی اہنوں جلد نال اٹھائیے
دیر نہ لائیے تے کھار نہ کھائیے انہوں جلدی نال وکھایئے
چن کے خویش قبیلے وچوں کوئی اہندا ستھرا جوڑ بنائیے
یار نیازؔ اینہوں گھر تھیں کڈھ کے جھپ تھل مار دا اپڑائیے

درخانہ اتا آمدن گاذران برائے تشتہ سسی
شام پئی پارد گھراتے دے سارا خویش قبیلہ آیا
تتڑی سسٹری دے رشتے کارن انہال آن ہجوم مچایا
نال پیار سسی دے کولوں اتے آن احوال پچھایا
نیازؔ سسی خود دھوبیاں تائیں دس کی جواب سنایا

جواب سسی
دھوبیوں وے مینوں مول نہ چھڑو میں تا اگے دکھیاری جان آں
کھیڑیاں والی تسیں کار نہ کرو میں تا ہیرا وعین نشان آں
نہ میں تہاڈی نہ میں انہاندی میں تاں پنن دی خاص امان آں
یار نیازؔ ایتھے مول نہ رہساں میں تاں دو دن دی مہمان آں

سن کے جواب سسی دا یارو دھوبی اتھ گھرانوں جاندے
کر کے ساڑ شریک دھوبی دا دھوبی ہور صلاح پکاندے
آدم جام نوں جاکے سارے دھوبی سسی دی صفت سناندے
یار نیازؔ برات سسی دی دھوبی اپنے آپ جگاندے

سن کے صفت سسی دی یارو شاہ بہت خوشی وچھ آیا
عقل بیچاری تے پے گیا پردہ لوں لوں وچ پیار سمایا
نہ کجھ سوچیا سمجھیا شاہ نے اک جلد غلام بلایا!
لکھ کے نیازؔ اتے دی طرف خط شاہ نے جلدی پوچایا

نامہ آدم جام
اے امیتا من توں عرض مینڈی میں کوں شاد آباد کرسیاں
رشتہ دھی سسی دا میں کوں میں جو منگیں سودیساں
گھر تینڈے نوں انشاء اللہ زر دولت نال بھریساں
شاد آباد تینوں پہلوں کر کے وت نیاز سسی پرنیساں

رفتن غلام بطرف آنا
لے کے خط بادشاہ کولوں قاصد دیندا اتّے نوں جلد لیا کے
ان پڑھ اتا پڑھ نہ سکیا خط سسی نوں دیندا آکے
کھول ڈٹھا جدوں خط سسی نے سسی روپئی نیر وہا کے
نیاز جواب سسی وت لکھدی یارو قلم دوات منگا کے

جواب سسی
بطرف پدر آدم جام
اے شاہا ونج بے پرواہا بھلا کر کجھ خوف خدا توں
اگلا ظلم تیرا سجرا اتوں ہور نہ ظلم کما توں
نفس امرے دے آکھے لگ کے دتا رب رسول بھلا توں

جواب سسی دیگر
اے شاہا ونج بے پرواہا شالہ قائم رہوی بادشاہی! شاہنشاہی
میں نکمی گھر تینڈے جمی توں جمدی شوہ رڑھائی! مگروں لاہی
آپ ولوں توں مار مکائی پر مینوں رکھ ذات الٰہی! نال صفائی
یار نیاز کی دوس کے تے انیویں لکھی ازل دی آہی! مکدی ناہیں

نال تحریر دے لکھ کے یارو خط بند سسی جا کیتا
کرماں ماری سسی دے ہتھوں پکڑ گلام لیتا
گھن کے خط سسی کولوں اس آ بادشاہ نوں دیتا
ویکھ کے خط یاز سسی دا شاہ زہر غماں دا پیتا

Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels