Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شاعری >> نیاز احمد عاجز >> سسی دے دوہڑے 4

سسی دے دوہڑے 4

نیاز احمد عاجز
June 27th, 2009
اوہ وگ گیا
تکدے رہ گئے نین سسی دے پنوں غائب یک باری
ککھ نہ رہ گیا سسی دے پلے پنوں لٹ پٹ لے گیا ساری
نام پنوں میرا کیچم وسدا ایہو دس گیا جاندی واری
نیاز سسی منگے ایہو دعائیں شالا توڑ چڑھے مینڈی یاری

روگی جندڑی
غائب ہویا جدوں یار سسی توں سسی جاگ اٹھی گھبرا کے
کرے دہایاں وانگ سودایاں اکھاں بے پرواہ سنگ لا کے
یار پیارا کِت ول گیؤں مینوں روون دا ول سکھا کے
یار نیازؔ اودوں مول مہاراں نہیں تاں مر ویساں کُرلا کے

سوال سیّاں
حالت ویکھ سسی دی سیاں آیاں کول سسی دے بھج تے
نال پیار پچھن سب لگیاں کی ووس کے سیسے اج تے
نہ توں نال اساں رل کھیڈیں نہ پیویں نہ کھاویں رج تے
نیاز ہویا یار نقصان کی تیرا کیویں بیٹھ رونویں منہ کج کے

جواب سسی
اتھرو پونج سیاں نون سسی لگی خواب دا حال سناون
خواب اندر کوئی آیا نی سیو میرے عشق دا چن چمکاون
سوہنی جئی تصویر دے والا آیا روون دی جاچ سکھاون
نیاز محمدؔ خواب اجیہے شالا نت دکھیاں نوں آوے

خواب اندر سیو میں تتڑی نوں آملیم یار لاثانی دلبر جانی
نام پنوں اتے کیچ دا والی ایہو دے گیا یار نشانی مار کے کانی
ویکھ کے حسن پنن دا سیو میں تاں ہو گئی خاص دیوانی تے مستانی
نیاز اوہدی تصیور دے وچوں میں تاں ویکھی اے رحمانی شکل انسانی

ستیاں خراب ہزاراں آوندے چھڈ سیسے غلط خیال اے
ڈونگھیاں فکراں وچ ڈب نہ جائیے مرویسیں فکراں نال اے
سب سوہنیاں دی سردار توں بھنیاں تیرے حسن دی کوئی مثال اے
نیاز سیّاں بھانویں کجھ پیاں آکھن میرا پیوں ذات رحمان اے قسم قرآن اے

جواب سسی
نہ نی سیو مینوں انج نہ آکھو میرا پنوں دین ایمان اے قسم قرآن اے
میں وچ میں نہ رہ سیو میرا پنوں میری جان اے قسم قرآن اے
عشق اوہدے مینوں مار مکایاں میرا پنوں نام نشان اے قسم قرآن اے
نیاز سیّاں بھانویں کجھ پیاں آکھن میرا پنوں ذات رحمان اے قسم قرآن اے

سوال مادر
سسی نوں ماں سمجھاون آئی دھیئے کہ کجھ شرم حیا توں
خواب خیال دے لگ کے پیچے سادی عزت نوں داغ نہ لا توں
رب تے رسول بھلا کے دھیئے لیا پنوں پئی نام پکا توں
نیازؔ نالے کجھ ویکھ اساں ول نالے کر کجھ خوف خدا توں

جواب سسی
شرم حیا پن نہ مائے میرے شر دی شاہد بتول اے
رب رسول مینوں مول نہ بھُلے میرا پنوں رب رسول اے
رب رسول پنن توں وکھے مینوں ہور نہ مول قبول اے
یار دے نال دوے دا مننا نہیں ایہہ عشق دا اصول اے

سسڑی نوں سمجھاون والا سار زور لگا لیا مائی!
تھ گئی مائی دے وے تیس سسی اثر نہ کیتا کائی
اٹھ کے ماں سسی دے کولوں یارو کول اتے دے اآئی
حالت نیازؔ سسی دی ساری مائی اتے نوں سبمہائی

Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels