Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شاعری >> نیاز احمد عاجز >> سسی دے دوہڑے 3

سسی دے دوہڑے 3

نیاز احمد عاجز
June 27th, 2009
حسن سسی دا جوبن چڑھیا کارو آگئی الہڑ جوانی
چکمیا حسن دا سور دا ایسا جھلے تاب نہ چن آسمانی
حوراں پریاں ویکھ کے یارو پیاں جان کرن قربانی
نیازؔ سسی دے حسن دا یارا دوج وچ کوئی نہ ثانی

نال سہیلیاں رل کھیڈے سسی پھرے موج مہاراں لٹدی
گاون گیت خوشی دے گاوے ہر ویلے بہندی اٹھدی
دن بھر رات خوشی وچ سسی یارو پچ پچ مول ہٹدی
ویکھ نیاز سسی دی پارا کیویں پینگ ہلاریوں ٹٹ دی

اک دن اوہ صندوق سسی دا یارو نظر سسی نوں پیا
آکے کہن بابل نوں لگی ابنا جان صندوق ایہہ کیہا
باپ کہیا دریا دے وچوں دھےے تردا سی مل گیا
یار نیاز وت ویکھن کارن سسی کھول صندوق نوں لیا

کھول صندوق ڈٹھا جد سسی وچ کاغذ نظر آئیوں سوں
نازے دے نال اٹھا کے کاغذا انہوں کھول کے جد پرھیو سوں
کاغذ کھول ڈٹھا جس ویلے سار حال معلوم تھیں سوں
یار نیاز اوہنوں بھل گئے ہاسے اج روون پیوں سوں

گزر گئے ویلے خوشیاں والے سرشام وکھاندی پے گئی
روندی دھوندی درداں ماری سسی پکڑ کلیجہ بہہ گئی
درداں ماری دی زندگی دتی بیڑی نال گھماں دے کھہہ گئی
نیاز رہیا سی پلے ککھ نہ یارا سسی روون جوگی رہ گئی

کی میں کراں میرے ڈاہڈیا ربا پیش نہ کوئی جاندی
خبر ہندی مینوں ایس قہر دی نہ میں جمدی نہ دکھ پاندی
ایس جیون کرلوں جنگی راہندی جے میں زہر کھاندی مرجاندی
گزرے وقت نوں نیاز بچاری کر یاد سسی پچھتاندی

یار سائیں بخش خطائیں میتھے کیوں توں قہر کمایا
وطن قدیم چھوڑا کے میتھوں کیوں وچ پردیس رلایا
عیب کہڑا جیہڑا عیب دے بدلے مینوں رول عمر دا لایا
یار نیاز کیہ دوس خدا تے جو لکھیا سامنے آیا

غیبی ندا
کرلا صبر توں بھیڑیئے تینوں اجر صبر دا دلیاں
کرکے دور مصیبت تیری مینوں شاد آباد کرلیاں
جس کارن تینوں جگ وچ آندا تینوں اسدے پیش کرلیاں
نیازؔ اللہ سائیں وعدہ کیتا تینوں وچھڑیا رلیساں

سسی دا جواب
اک دن نال برات سسی نوں یارو نیند سہاگ دی آئی
برباد ناشاد سسی دے وے آ عشق نے جھاتی پائی
خواب اندر آفتاب دسے وانگوں آپنوں نے شکل دکھائی
نیازؔ نیناں دا پاکے جادو سسی مست الست بنائی

صفت پنوں
مست اکھاں لے مکھڑا نوری والشمس تے اولضحیٰ دا
والیل زلفاں یارو کندلاں والی سرتاج لولاک لہا دا
بدر منیر تصویر پنن دی پیا چمکے نور خدا دا
نیاز سسی قربان پئی تھیندی تک جلوہ لے پروا دا

Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels