Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شاعری >> نیاز احمد عاجز >> سسی دے دوہڑے 2

سسی دے دوہڑے 2

نیاز احمد عاجز
June 27th, 2009
صندوق تیار ہویا اس ویلے جدوں شاہ نے حکم سنایا
آدم جام تخت تھیں اٹھ کے گھروں لین سسی نوں آئی
ماں دی جھولی وچ سسڑی بھولی چادر کے نیرو پایا
نیاز سمجھ گئی ماں سسی دی کہ میتھے رب کوئی قہرو سایا

آدم جام کھوگیا یارو اتے کول بیوی دے آکے
الف توں لے کے ی تک ساری اہنوں وی گل سمجھاکے
نال خوشی دھی دے مینوں اج آخری شِیر چنگھا کے
نیازؔ مائی چھم چھم روون سینے نال سسی نوں لاکے

آدم جام نوں ماں سسی دی ہتھ جوڑے تے چھم چھم رووے
سنگدل شاہ سسی دے تائیں ونج گودیوں چا کھواوے
ماں سسی نوں چھڈ دی ناہیں شاہ زور بزوری کھووے
نیازؔ اوتھے کوئی کی کر سکدا جھتے عشق دا حملہ ہووے

لیگیا باپ سسی دے تائیں ماں ہتھ ملیندی رہ گئی
ملکہ دی پیش نہ چلی رو دھو کے بے چاری بہہ گئی
عمر ساری وی کیتی کتری لگی دیر نہ کھوہ وچ پے گئی
نیازؔ دکھاں دی ماری تائیں جا تھل مارو دفناسیں

آدم جام سسی دے تائیں یارو وجہ صندوق دے پایا
کاغذ لیا کے لکھ پر وانہ اوہ بھی وچ صندوق دے ٹکایا
موم جامہ سب کرکے یارو چا محکم قفل جڑایا
نیاز سپرد خدا دے کرکے چا وچ دریاؤ رڑھایا

شوہ دریا وچ رڑھ پئی سسی یارو یاد خدا نوں کرکے
ماں پیو چھوڑ کے ٹُر پئی سسی منہہ شہر کیچم نوں دھرکے
عین صدوق سسی دا آیا نیرے گھاٹ پتن دے ترکے
نیازؔمحمد اوہ مرشد کامل جیہڑا پار لادے بانہہ پھڑ کے

نام آقا تے قوم دا دھوبی وچے شہر بھنبھور دے رہندا
نکل بھنھوروں کپرے دھون تن گھاٹ پتن تے جاندا
مار کے چھال صندوق سسی دا س پکڑ کنارے آندا
نیاز صندوق نوں رکھ کے مونڈھے اتا طرف گھر اندی جاندا

نال خوشی گھر آیا اتا اوہ صندوق سسی دا چاکے
توڑ کے جندرا اتے پڑھ بسم اللہ ڈٹھا بوہا صندوق دا لاکے
معصوم بچی سوہنی صورت والی پئی منہ وچ انگلی پاکے
ونڈن نیاز تے عیداں کرن دھوبی رب دا شکر بجا کے

پڑھ بسم اللہ نال ادب دے انہاں سسی صندوقوں چالئی
سر منہ چم کے پیار کہاکے انہاں نال سینے دے لالئی
ہور اولاد انہاندی ناہی انہاں دھرم دی دھی بنالئی
یار نیازؔ اوتاں عیداں کر دے جنہاں من دی آس پجالئی

ماں پؤ نال خوشی دے یارو اوہدا سسی نام ٹکایا
مسجد دے وچ پڑھنے پاکے انہاں سارا علم پڑھایا
السماء فقطہ یارو علی شیرِخدا فرمایا
یار نیازؔانہاں سب کجھ پرھیا جنہاں بھید نقطے دا پایا

Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels