Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شاعری >> نیاز احمد عاجز >> سسی دے دوہڑے

سسی دے دوہڑے

نیاز احمد عاجز
June 27th, 2009
قسم خدا دی جے عشق نہ ہوندا نہ ہوندا دو جہان اے قسم قرآن اے
اک لاکھ چوی ہزار نہ ہوندے نہ ہوندا زمین آسمان اے تے قسم قرآن اے
اٹھارہ ہزار جیاں نہ ہوندی ہوندا آپ رحمان اے قسم قرآن اے
نیاز ہویا سب کجھ جس ویلے ہویا رب دا عشق مہمان اے قسم قرآن اے

پڑ ھ بسم اللہ یارو ونال ادب دے سبحا ہتھ قلم نوں پاواں
شعراں دے وچ لکھ کے سوہنی اک عشز دی گل سناواں
دل کردا بس دن بھر راتیں بیٹھا گیت عشق دے گاواں
لکھ کے احوال سسی دا میں تاں اپنا من پرچاواں

بلوچستان علاقے اندر اک شہر بھنبھور مشہور اے
آدم جام سلطان شہر دا کرے راج جویں دستور اے
تاج تخت دا مالک یارو ڈاہڈا نیک تے صاحب شعور اے
نیازؔ کسے شے دی کمی نہ اس نوں اک اولاد تھیں بہت رنجور اے

بے اولاد شالا کوئی نہ ہوئے بھاویں راج ہووے کل پھٹا
بے اولد جہان وچ یارو اساں ہس دا کوئی نہ ڈٹھا
اولاد جیہا یار جگ دے اندر کوئی نہیں پھل مٹھا
نیک نیاز اولاد جنہاندی اوہدا جگ وچ ہوندا ای سٹا

آدم جام پریشان ہمیشہ کدی من دی مونجھ نہ جاوے
منگے دعائیں یارو شام صباحیں نالے پیر فقیر مناوے
رب دے راہ خزانے ونڈ ساں اللہ من دی آس پوجاوے
تدبیر نیاز اوتھے کی چل سکدی تقدیر جتھے چل جاوے

کئی دن گزرے اللہ دے فضلوں آیا وقت سہانا دھمی
ازل دے وعدے پورے کرن دی کاطر سی گھر آدم دی جمی
صورت ویکھ سسی دی سوہنی ہوئی بہت خوشی وچ امی
نیاز مائی منگے بہت دعائیں شالا عمر دے دھیے لمی

ویکھ کے حسن سسی دا یارو پیاں رکش کریندیاں پریاں
چن شرماوے تے جھات نہ پاوے حیران حوراں ہو کھڑیاں
یا بھیاں لال تے نور پیشانی دونوں مست اکھاں مدبھریاں
نیاز اکھاں نوں ویکھ کے اکھاں سی تڑپ تڑپ کے مریاں

دم جام دسے حاضر ہو کے ساری گل جانجو یہاں وسی
دھی جمی گھر تیرے شاہا اوہدا نام دکھیاری سسی
گل اسدے وچ قسم خدا پئی ہوئی اے عشق دی رسی
نیاز عشق نوں توڑ نبھائیں بھانویں تل وچ مر گئی سسی

سن کے نام سسی دا یارو شاہ لگ پیا کرن وچاراں
سنگیا پتر رب دھی چا دتی میتھے ہو گیاں الٹیاں کاراں
جے گھر رکھاں تے میری عزت دا گھاٹا رہیاں شا جے اسنوں ماراں
نیاز اہنوں کیہڑا مارن والا جدیاں یار دے ہتھ مہاراں

وزیر کیہا بادشاہ دے تائیں میری من لے نیک صلاح توں
قتل نہ کر شاہا دھی اپنی نوں ایویں خون نہ ذمے لاتوں
ظلم کنوں بچ جاسیں شاہا اہنوں وچ صندوق پاتوں
نیازؔ سپرد خدا دے کرکے اہنوں شوہ دریاؤ دھڑدا توں

Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels