Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    


مُڈھلا ورقہ >> شاہ مُکھی وچار >> شاعری >> سلیم پاشا >> ہنے ہنے

ہنے ہنے

August 16th, 2009

ہنے ہنے میں بھریا اے گھٹ
نکیاں نکیاں سدھراں دا
ہنے ہنے میں ویکھیا اے منظر
نویاں نویاں قبراں دا

ہنے ہنے ای سی چانن ٹُریا
انھ ہنیری بُکل چُوں
ہنے ہنے ای شام دی لالی
نکلی کالے بدل چُوں

ہنے ہنے ہے سانبھ لیا
اِک رُکھ نے اپنیاں چھانواں نوں
ہنے ہنے اِک رتّا سورج
دے گیا اوٹ نگاہواں نوں

ہنے ہنے میں ویکھ رہیا ساں
اُچے جہے اِک کھنڈر نوں
ہنے ہنے میں توبہ کیتی
ویکھ کے اپنے اندر نوں





 


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels