Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    


مُڈھلا ورقہ >> شاہ مُکھی وچار >> شاعری >> سلیم پاشا >> رات آؤندی اے

رات آؤندی اے

August 16th, 2009

نگھی جھولی دا روپ لے کے
ونہے ہوئے جثے ٹکورن لئی
کلبوتاں نوںسمے دی بٹھ ولے
نویں سروں ٹورن لئی

رات آؤندی اے
خواباں دی بہار
سوچاں دے پہاڑ لے کے
پر اکھاں وچ سفنیاں دی تھاں
کنڈے بیج دی
سرہانے بھیو ندی ہوئی

رات آؤندی اے
تے کدی کدی اُکاجاندی ہی نہیں
لوکی پکھوواں دیاں واجاں نوں ترسدے
سورج دا مہاندرا وی بھل جاندے
جہڑے ہتھیں
اوہ سویر دا سواگت کردے سن
اوہناں ہتھاں نال گھپ ہنیرے اندر
ٹوہ کے رستہ لبھدے

رات آؤندی اے
کو ُ لی کو ُلی چاننی چہ بھلیکے لے کے
سیہ بختاں دے حصے دے
لیکھے لے کے
لمے چراں مگروں وی
اوہدے ہتھاں وچ
سکھنے ہتھ ای دِسدے نیں
کوئی دلاسہ نہیں ہوندا

رات آؤندی اے
جدہنیرے دی بکل وچ
تے ویکھ کے اوہنوں
دھڑکن دلے دی رک جاندی
پنڈے وچوں
حیاتی دی رمق مک جاندی

رات آؤندی اے
تے کنبدے ہوئے پرچھانویاں نوں وی
اندر لکو لیندی
جہنے آدر چانن بخشے ہوندے
ہتھاں وچوں کھوہ لیندی

رات آؤندی اے
تے خورے کیوں نیندر رُس جاندی
میں بے وسی اسماناں نوں تکدی
گنتی کردیاں تارے وی مک جاندے
پر اکھ نئیں لگدی

رات آؤندی اے
موت دا سنیہا لے کے
یاں فیر خوف اجیہا لے کے
جس نال حیاتی کھڑنا بھل جاندی
عمراں دی کمائی ڈلھ جاندی





 


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels