ہر ٹاہنی تے کالیاں گرجھاں مُردے کھاون والیاں گرجھاں رانی خاں دیاں سالیاں گرجھاں بُش باندر دیاں پالیاں گرجھاں ۔۔۔۔ قوم دا مُردہ کھونڈن پئیاں سُکیاں ہڈیاں چُونڈن پئیاں دیس دے ایرے ، نینہاں پُٹ کے یورو ، ڈالر ڈھونڈن پئیاں ۔۔۔۔۔ تسبیاں ، پگاں ، داڑھیاں پا کے سپاں دیاں پٹاریاں پا کے موت دے میلے دے وچ آئیاں کالیاں گرجھاں ، ساڑھیاں پا کے ۔۔۔۔۔ این ۔ آر۔او دی مار کے بُکل کک بیکاں دے تان کے کمبل نوسر بازاں دا ہک موڈھی بن بیٹھا پنڈی دا راول ۔۔۔۔۔ اُجڑی ہوئی مسیت دے لوٹے عقل دے انھے ، من دے کھوٹے جینز پرائی ، پا کے قصائی مارن دیس دی لاش نوں سوٹے ۔۔۔۔ قائد اعظم ڈھارا پایا گرجھاں ، چنجھاں مار کے ڈھاہیا چور اُچکے لیڈر بن کے کھا گئے قوم دا سب سرمایہ ۔۔۔۔ ماجے ، گامے نعرے لاون نیمے ، نامے ، ٹپے گاون موت پوے ایہناں نج ہوئیاں نوں جیہڑے قوم نوں ویچ کے کھاون ۔۔۔۔
