Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    


مُڈھلا ورقہ >> شاہ مُکھی وچار >> شاعری >> مسعود منور >> گلے اُلاہمبے

گلے اُلاہمبے

January 10th, 2010
5 / 5 (4 Votes)

جند اپنی تے ظلم جے کیتا ، جے میں پاپ کمایا
دس کھاں ، میریا سوہنیا ربا ، تیرا کیہ گوایا
ایہہ جندڑی دا مونہہ مُکالا ،کس دا دتا ہوئیا
مینوں اس گارے دے بُت وچ کیہنے قید کرایا
محتاجی دی قید دے اندر جد اپنی اکھ کھولی
لالچ ، لوبھ تے جھوٹ دیاں پردھاناں ناچ نچایا
بھُکھ دے ہتھوں سو واری میں مردا مردا بچیا
کُت خانے دے اس لنگر وچ میں خنزیر پکایا
تیری چانن دی شاہی وچ میرے ہتھ ، ہنیرا
میں تیرا کیہ لاہ کے اپنی بُکل وچ لُکایا
میرے سر تے موت دے شکرے چھڈ کے بدلے لتے
تیرے اس تقدیر دے کھوہبے ، میرا ہوش گوایا
نہ ترا چانن چوری کیتا،نہ تیرا عرش ہلایا
نہ میں تیرے تارے کھوہے ، نہ ترا سورج ڈھاہیا
وال توں پتلا پل ہے تیرا ، تلواراں توں تکھا
میں کیہڑے وختاں دے مارے تینوں رب بنایا
تکڑی پھڑ کے بیٹھا ہوئیا، عمل مرے پیا تولیں
مینوں ساڑ ہواڑ کرن لئِ توں دوزخ بھخوایا
یا کوئی ٹال تے لکڑی تولے ، یا کوئی سبزی تولے
توں پیا پاپ ، خطاواں تولیں ، ایہہ کیہ کسب خُدایا
توں تے سب کجھ ویکھ لیا سی، مینوں جان لیا سی
فیر گُناہواں دا ایہہ گڈھڑ ، کیوں میتھوں چکوایا
تیرا تے مسعود نے ربا، کوئی زان نہیں کیتا
مٹی دی اس مُٹھ نوں توں کیوں وچ مسیت رُلایا





Share |

 


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels