Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    


مُڈھلا ورقہ >> شاہ مُکھی وچار >> شاعری >> مسعود منور >> پاکستانی ناگرکاں ولوں شانتی پتر

پاکستانی ناگرکاں ولوں شانتی پتر

January 28th, 2010
4.5 / 5 (8 Votes)

اِک دھرتی دیاں دھیاں دونویں، بھارت دیش تے پاکستان
اِک اگنی دیاں لاٹاں دونویں، بھارت دیش تے پاکستان

بھارت دیش تے پاکستان دی جنگ نہ ہون دیاں گے
کسے وی وردی والے نوں اسیں امن نہ کھوہن دیاں گے
ڈالر والی امریکا دی مجھ نہ چون دیاں گے
آپو اپنے شیر سپاہی، کدی نہ کوہن دیاں گے
ہن دیشاں دیاں ماواں نوں اسیں کدی نہ رون دیاں گے
کسے قوال نوں جنگ ترانہ مُول نہ گون دیاں گے

ہک ورقے دے دو پنے نیں ، بھارت دیش تے پاکستان
ہکسے گھر دے دو بنے نیں، بھارت دیش تے پاکستان

ساڈے تن دی مٹی دے وچ پریت دے سُورج چمکن
ساڈی سانجھ دے ویہڑے دے وچ امن دے پنچھی چہکن
ساڈیاں سانجھیاں باغاں اندر ، ایکے دے پھل ٹہکن
اک دوجے دیاں اکھاں دے وچ مذہب مُول نہ رڑکن
ہر کھیتر تے ہر کھاتے وچ سانجھ دے گھنگرو چھنکن
ساڈی سیما تے سرحد تے جنگ دے طبل نہ کھڑکن

رل مل پریت نگر وچ وسن ، بھارت دیش تے پاکستان
ہک دوجے نوں سجن جانن ، بھارت دیش تے پاکستان
۔۔۔





Share |

 


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels