Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    


مُڈھلا ورقہ >> شاہ مُکھی وچار >> شاعری >> مسعود منور >> کُڑی اُلکُڑیات

کُڑی اُلکُڑیات

February 4th, 2010
4.5 / 5 (31 Votes)

تُوں گُجھے بھیتاں دی گُڈی
کلا کبوتر بن کے اُڈی
۔۔۔۔
تیرا عشق شرابوں چنگا
تیرا عطر گُلابوں چنگا
تیرا ناں ، مِٹی دی خشبو
تیرا رنگ شہابوں چنگا
تیرے تن ، پوشاک دھنک دی
سینے زور ، چنابوں چنگا
۔۔
توں دل دے محلاں دی رانی
توں پریاں ، حوراں دی ہانی
تیریاں بُلھیاں چن دا نخرا
تیری اکھ دا موسم وکھرا
تیرا پنڈا کنک دا سونا
میں سونے دا ہار پرونا
موتیے دے پھُلاں دی ٹاہنی
توں امبیاں دے باغ دی رانی
زُلفاں وچوں تیریاں گلھاں
کالے ہڑ وچ ، رت دیاں چھلاں
جوڑے دا پھُل، رات دی رانی
لکھے روز،پریت کہانی
تیری وینی دے وچ ونگاں
رب کولوں میں ہور کیہ منگاں
ونگاں چھن چھن چھنکی جاون
لنگھیا ویلا یاد کراون
ہائے ہائے گلھاں دے وچ ٹوئیاں
تیری نتھ تے صدقے ہوئیاں
تیرا روپ سروپ غضب دا
ایہہ کُرتا، میرے تن تے تگدا
تیرا پھل ، مینوں مِٹھا لگدا
ایہہ میوہ کِتے ڈِٹھا لگدا
تیرے اجڑ دا میں چھیڑو
تیری گادھی دا میں گیڑو
تُوں کُڑی اُلکڑیات ہیں میری
توں سدھراں دی رات ہیں میری
۔۔۔





Share |

 


 

 

Visitors Comments

Name:moazzam wasti
Date:6th February

Comment: Your page is good--maybe (?) needs a bit of a wider format. Thanks for putting in this effort.

I just have a suggestion, which is simultaneously an 'earnest' request, as well: Please add a link to an Urdu/Punjabi and Punjabi/Urdu, good quality, e-dictionary. That will, over a period of a time, add tremendously to my--and others' as well, I am sure--comprehension of the Punjabi language.

Thanks once again. MW.


Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels