بھوئیں تے نیلی چھتری لئی سب لوک نیں گھُگو گھوڑے بھانویں کلے، کلے رلکن، بھانویں بن کے جوڑے ۔۔۔۔۔۔ سادھو، سنت، فقیر وی میچن دنیا نوں رب وانگوں اوہناں لئی وی خلقت ساری، مِٹی، اِٹاں، روڑے ۔۔۔۔ دھرتی تے اسمان دے وچ وچکار خُدائی جاری وچ مسیتاں حلوے مانجن کھانگڑ دھک مکوڑے ۔۔۔۔۔۔ رنگ برنگی بولی بولن ، بول بچن دے باوے اپنی ذات اُسار نہ سکن ، اگھروڑے مگھروڑے ۔۔۔۔۔۔ رب دے ناں تے پیلی واہ کے کفر پنیری لاون ایہہ اُمت دے چور اُچکے ، نہ بہتے نہ تھوڑے ۔۔۔۔۔۔ وڈھی خور منافق جیہناں پچھے پڑھن نمازاں اوہ نیں نبمر دو ملوانے ، کون اوہناں نوں ہوڑے ۔۔۔۔۔۔۔ رب رسول نوں منن والے ، پئے گئے عجب کُراہے لُک لُک پین کرپشن لسّی ، موتر کرن پچھوڑے ۔۔۔۔۔
