Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    


مُڈھلا ورقہ >> شاہ مُکھی وچار >> شاعری >> مسعود منور >> مسعود مُنّور: دُکھل

مسعود مُنّور: دُکھل

July 23rd, 2010
5 / 5 (14 Votes)

چور تے کُتّی رل مل لُٹدے اج کل پنڈاں تھانواں نوں
جاندی واری لہو نال رنگدے، کڑمے، شہر گراواں نوں
۔۔۔۔
میری تلی تے بلدا دیوا، گلمے دے وچ سورج اے
آن، بجھان، تے میں وی ویکھاں ، للکر مار ہواواں نوں
۔۔۔۔
تسے تے کلر دے مارے وِگھے پیوئیساں امرت نال
میں وی پنڈوں نکل پیا ہاں لے کے نال چنہاواں نوں
۔۔۔۔
وچ مسیتاں رب بن بیہندے، ورقہ پڑھ کے پوتھی دا
وعظ سنے میں دفن کریساں منبر دیاں خُداواں نوں
۔۔۔۔۔
دین نوں ویچ کے کھا بیٹھے ہو، حشر حساب تاں ہونا اے
ایہناں نوں پھینٹی لانی اے، ٹُنگ لوو ہُن باہواں نوں
۔۔۔۔۔
ایہناں دی تاں قربانی وی جائز نہیں شریعت وچ
کوہ چھڈ بُڈھیاں ڈنگراں نوں، ایہناں کھاگھڑ مجھاں گاواں نوں
۔۔۔۔
غزہ دی پٹی نوں لگی اگ، بجھی نہیں سمندر توں
رب اسماناں تے بیٹھا اے ، ٹالے کیویں بلاواں نوں
۔۔۔۔۔
ہُن اولاد وی ماں پیاں کولوں پیار نہیں دھن منگدی اے
لوبھ دی اگ نکھیڑ گئی اے سکیاں بھین بھراواں نوں
۔۔۔۔
اُجڑیاں باغاں دے پٹواری ، لگ گئے نی گالہڑ مسعود
ڈیناں آکے مل لیا اے سنجیاں پئیاں سراواں نوں
۔۔۔۔۔





Share |

 


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels