Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    


مُڈھلا ورقہ >> شاہ مُکھی وچار >> شاعری >> مسعود منور >> خواب وچ رب ویکھ کے

خواب وچ رب ویکھ کے

February 4th, 2011
4.5 / 5 (9 Votes)

رنگ برنگیاں سُفنیاں دے وچ
مذہب وی ہک سُفنا اے
ہڈوں بے تعبیرا سُفنا
اصلوں بے تفسیرا سُفنا

بدقسمت اُمت دا سُفنا
ان ڈٹھی جنت دا سُفنا
ایہہ سُفنا حُوراں دا سُفنا
مٹی وچ نُوراں دا سُفنا
بھُکھاں وچ خوشحالی ورگا
نیڑیوں کُجھ دُوراں دا سُفنا
کوثر تے تسنیم دا سُفنا
خلقت دی تکریم دا سُفنا

کاف کُرپشن کُتیاں والی
ہڈ حرام کپُتیاں والی
وڈھی، دوزخ سُتیاں والی
سر وچ وجیاں جُتیاں والی

کروے، استاوے تے روڑے
کوڻ ایہناں دے کن مروڑے
کوڻ ایہناں جوٹھاں نوں ہوڑے
کانیاں دے سب گھگو گھوڑے
پشواں ورگے بل بتوڑے

کیہڑا سچ تے کیہڑی دھرتی
ایہہ سپّاں ٹھونہیاں دی بھرتی
بو جہلاں دا واس اے جتھے
اُمت نوں بو لہب دی گُڑھتی
ایہناں توں ہُڻ چُنڈ چھُڑا دے
رحمت دا ہُڻ لڑ پھڑا دے
ربّا ، آپڻا آپ وکھا دے
انھے نوں اکھاں بڻوا دے
۔۔۔۔





Share |

 


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels