Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    


مُڈھلا ورقہ >> شاہ مُکھی وچار >> شاعری >> مسعود منور >> یبھلیاں شبھلیاں

یبھلیاں شبھلیاں

March 9th, 2011
5 / 5 (6 Votes)

اُردو تاں آؤندی نہیں مینوں، پاکستانی لکھدا ہاں
نویں سمے دی میں تاں یارو، نویں کہاڻی لکھدا ہاں

بور جدوں ہو جاندا ہاں ٹی وی دی اینکر بازی توں
پوتھی دل دی کھول کے میں لیلیٰ دی جوانی لکھدا ہاں

جاڻ دا ہاں ایہہ جھوٹھ اے پر کجھ عادت دی مجبوری اے
کاڻے دے بُجھے دیوے نوں اَکھ مستانی لکھدا ہاں

ڈارلنگ، اکھیں میٹ کے پڑھ کھاں اکھر اے یا نقشہ اے
تیری تلی تے انگلی نال میں ہک نشانی لکھدا ہاں

کاغذ نواں تے پین وی نواں تے جد فرنیچر نواں نکور
فیر میں کیوں ایہہ اُردو شُردو بہت پراڻی لکھدا ہاں

کشمش توں کِس مِس تک سب کجھ لڈّو اے تے برفی اے
میں "لو لیٹر" دی اوکھت وی نال آسانی لکھدا ہاں

کیہ کیہ لکھدا ہاں مسعودؔ میں اُس نوں آپڻی تھنکنگ وچ
اوس نوں میں سائیکو، سنڈریلا تے دیوانی لکھدا ہاں
۔۔۔





Share |

 


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels