Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    


مُڈھلا ورقہ >> شاہ مُکھی وچار >> شاعری >> مسعود منور >> پاکستان دا مطلب کیہ؟

پاکستان دا مطلب کیہ؟

March 23rd, 2011
5 / 5 (5 Votes)

۲۳ مارچ دا گوڻ

۔۔۔
کدوں اے پاکستان دا مطلب لا الہ الا اللہ
کیوں کندھ اُتّے لکھے کاتب ، لا الہ الا اللہ
تُساں تے اس اُمت نوں دتا مارشل لا تے مارشل لا
کہندا ریہا ہر آمر ، غاصب ، لا الہ الا اللہ
جتھے وڈھی تے ٹھگی اے اوتھے کیہڑا دین اسلام
رزق ، مُنافق دا ہے راتب ، لا الہ الا اللہ
ہیٹھاں مکر فریب دی روڑی، اُتے پھل نی کلمے دے
پڑھدا ہے ہر کاٹھا صاحب، لا الہ الا اللہ
کدآئین دا پاڻی لگسی، کد انصاف دی وا وگسی
کد ایہہ کافر ہوسڻ تائب ، لا الہ الا اللہ
وچ مسیتاں تے درگاہواں بمباں دوزخ تائی اے
راتو راتیں بندے غائب ، لا الہ الا اللہ
سانگ ابو جہلاں دا ویکھو، کلمہ پڑھڻ محمد دا
ایہہ نی اج دے عنتر، مرحب، لا الہ الا اللہ
نہ ایہہ قائد اعظم دا ہئی، نہ بھٹو دا پاکستان
بازی گراں دے ویکھو کرتب ، لا الہ الا اللہ
کیہڑی جمہوریت دی گل را مسعود کرینا ایں
جی ایچ کیو ہی سدا تو غالب ، لا الہ الا اللہ





Share |

 


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels