Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    


مُڈھلا ورقہ >> شاہ مُکھی وچار >> شاعری >> مسعود منور >> سُکھ لینڈ دا سُفنا

سُکھ لینڈ دا سُفنا

March 28th, 2011
5 / 5 (3 Votes)

رب دی دنیا نِکّی جہی اے
تھوڑے رب دے بندے
بندیاں دے گھر برچھے، سوٹے
پر اووی کدی نہ ڈنگدے
برچھے، سوٹے سُتے رہندے
کسے نوں ویکھ نہ کھنگدے
اپڻے رقبے سانبھ کے رکھدے
دیس دی لیک نہ لنگھدے
بھانویں ہیٹھ ٹریکٹر، گڈیاں
رہڻ نہ وگدے، ویہندے
اوہنوں ہتھ ہتھیار بہتیرے
کدی نہ کڈھ وکھاندے
شہر دی ہک ہک گل دے جاڻو
پر پینڈو بڻ رہندے
چنگا، چوکھا کھاوڻ پیوڻ
ستھرے لیڑے لاندے
اوہناں دے ویہڑے وچ گُھگیاں
ورگے پکھنو گاندے
آنڈھ گوانڈھ دیاں دیساں توں
پاندھی آندے ، جاندے
وانگ بھراواں دکھ سُکھ ونڈدے
اپڻی عمر ہنڈھاندے
ایڈے چج دیاں بیبیاں بھیڻاں
گھر جیہناں دے بھاندے
بال وی سوہڻیاں موراں ورگے
اوس انمول گراں دے

رب دی دنیا نِکّی جہی اے
رب دی دنیا مِٹھی جہی اے
رب دی دنیا سوہڻی تھاں اے
رب دی دنیا عشق پِڑاں اے
۔۔۔





Share |

 


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels