Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    


مُڈھلا ورقہ >> شاہ مُکھی وچار >> شاعری >> مسعود منور >> ایہہ کوڻ نیں؟

ایہہ کوڻ نیں؟

October 1st, 2011
5 / 5 (21 Votes)

کدی بڑھکاں ماردے رہندے نیں، کدی نچدے نیں کدی گاندے نیں
لؤ سُڻ لؤ ، ایہہ مُلّا مکڑے، چڑھ منبر کیہ فرماندے نیں

کجھ دین دھرم دے دلّے نی ، کجھ دنیا داری دے دلّے
کجھ رب دی کمائی کھاندے نیں، کجھ رن دی کمائی کھاندے نیں

تھاں تھاں تے مُلّا ہاؤس نیں، تھاں تھاں تے شریعت دے تھاڻے
ایہہ چار کتاباں دے انھے، رب بڻ کے حُکم چلاندے نیں

ایہہ پاٹے ڈھول مسیتاں دے، ایہہ ڈیلر دم، درُوداں دے
ایہہ کھانگڑ ڈھگیاں دے چھیڑو، لوکاں نوں کُراہے پاندے نیں

جیہڑی خلقت موئے بھراواں دا مُردہ پئی وڈھ وڈھ کھاندی اے
اوس خلقت نوں پُٹھیاں سدھیاں ایہہ پٹیاں روز پڑھاندے نیں

ایہناں ہتھوں دین دا ناں اُچّا نہیں ہو سکیا، نہیں ہو سکیا
ایہہ کیہڑے چن چڑھاندے نیں، ایہہ کیہ کیہ ظُلم کماندے نیں

مسعود توں عشق دا جاڻو سی، پر تینوں ہیر نہ لبھ سکی
ایہہ تیرے ورگے جھلّے نیں جیہڑے رب نوں یار بڻاندے نیں
۔۔۔





Share |

 


 

 

Visitors Comments

Name:Rizwan Khaliq
Date:2nd October

Comment: ودھیا :-) ا


Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels