Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شاعری >> ساجد چودھری >> کجھ نکیاں نظماں

کجھ نکیاں نظماں

ساجد چوہدری
February 10th, 2010

1
دل دی بکل مار کے کجیا ننگ سریر
کچا بھانڈا کھر گیا،جو اس دی تقدیر
تردی رہی چنانہہ تے جثے دی اک لیر
اپنا ماس کھوان ہن کیہنوں سنت فقیر

2
موٹا چم غریب دا جتی لؤ بنا
عزت اسدی پیتلی، بستر پوو وچھا
ہڈیاں اوسدیاں بال کے سیکو اگ دا تا
چڑھدے مرزے خان نوں جٹ ونجل دئیے سجھا

3
فصلاں گڈیاں کھان لئی اندر ناگ پلے
اک اک بوٹے موت دے زہری رنگ چڑھے
ننگا پنڈا خلق دا کیہڑا کجے آ
اک اک کرکے ماندری سپاں لئے رلا

4
کنکاں دا بی بیجیا اُگیا نرا بھکاٹ
چانن دی تھاں ساڑدی گھر دیوے دی لاٹ
دھرتی پھاوی ہو گئی جم ستماہیں بال
ودھدے جاندے ہوند دے مڈھلے سب سوال


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels